मेरो देश
टिष्टा देखि काँगडा सम्म
विर सपुतहरुको आहुतिले
सृजित देश ।
अहिले
विदेशि सँग ओठ जोड्दै
व्यापार लिनदेन गरी
आफ्नो गृहस्थी
सुधारेको देश ।
छिमेकीलाई गालिगलोच गरी
आफ्नो नयाँ कोट सिलाउन र लाउन
सफल भएका ठालुहरुको देश ।
नालापानीको कथा छोपेर
शाहको योगदानलाई तिर्सकृत गर्दै
अहिलेका व्यापारीहरुले चलाएको देश ।
निमुखालाई दलको
तामा तुलसी छुवाएर
छट्टु प्रसादहरुले
ताजमहल खडागरेको देश ।
हरेक मिनेट हरेक घण्टा
हामीलाई ललिप देखाउदै
जनमोहोर पाएकाले दिन दिनै
खुल्ला लुटेटाहरुले लुटेको देश ।
तैपनि
लिपुलेख कालापानी
फिक्का मानचित्रमा देखाएर
धक्कु लगाएको मेरो देश ।
तरपनि
महामारी बढेका वखत
गुप्त गुफा भित्र
तातो पानी दिदै
प्राण बचाउन
सफल बन्दै गएको देश ।
तैपनी तातो पानी दिदै
यो प्राण वचाउन धन्न
आट बोक्न सक्ने देश
मेरो देश , मेरो देश ।

सूर्यप्रसाद घिमिरे

राजापुर बार्दिया