एन्टिना घनश्याम,काठमाडौ । १६ बर्ष मुनिका गायन प्रतिभाहरुको प्रतिश्प्रधात्मक रियालिटी टेलिभिजन शो जुनियर सिङ्गिङ स्टार को तेस्रो अडिशन काठमाडौको नयाँबानेश्वरस्थित काठमाडौ शिक्षालय स्कुलमा सम्पन्न भएको छ। आर्या मिडिया हाउसले संचालन गरेको उक्त रियालिटी शो ग्लोबल एच डि टेलिभिजन बाट प्रसारण हुनेछ भने रियालिटी शो कार्यक्रममा गायक तथा संगीतकार डिजराज पौडेल , गायिका सरु गौतम,गाएक कर्णराज गिरि, डेबिट शंकर निर्णायकको भुमिकामा रहेका छन।
नियुक्ति शेर्पा र घनश्याम तिमल्सिना एन्टिना होस्ट रहेको रियालिटी शो को तेस्रो अडिसनबाट करिब २१ जना बिध्यार्थिहरु, उत्कृष्ट १०० को लागि छनौटमा परेको काठमाडौ शिक्षालय स्कुलका अध्यक्ष तथा पर्बतारोही प्रकाश पाण्डेले बताए । जुनियर सिङ्गिङ स्टारमा प्रथम हुनेले रु ५ लाख, दोस्रोले २ लाख पचास हजार र तेस्रोले १ लाखको पुरुस्कार प्राप्त गर्ने आयोजक आर्या मिडिया हाउसले बताएको छ।
