शेर्पा संघ दक्षिण काेरियाले ग्याल्बो ल्होसार मनाएको छ । संघले यहि जनवरी २२ आइतबारको दिन विविध कार्यक्रम आयोजना गरी ल्होसार मनाएको हो ।
दक्षिण कोरियामा नेपालीहरुको धेरै भिडभाड हुने दोङ्गदेमुन नजिकै छुङराे सामगा स्थित एक हलमा भएको कार्यक्रममा लामागुरुले पूजापाठ गरि सुरु भएको थियो ।
कार्यक्रमका प्रमुख अतिथि आदिबासी जनजाती महासंघको विशन राईले शुभकामना दिदै लामो समय देखि राज्यबाट उत्पीडित समुदायहरु एकताबद्ध भएर भाषा, धर्म, सस्कार सस्कृती संरक्षण गर्न र राज्यको मुलधारमा आउनको लागि लाग्नु पर्ने बताए । कार्यक्रममा दक्षिण काेरियामा रहेका बिभिन्न जातीय संघ सस्था तथा क्षेत्रीय सस्थाको प्रतिनिदिहरुको उपस्थिति रहेको थियो।
हिमाली भोटचन्द्र पात्रो अनुसार ग्याल्पो ल्होसारको तिथि फरक परे पनि दक्षिण कोरियाकोे प्रमुख चाड सलनालको अवसरमा हुने लामो विदालाई सधुपयोग गर्दै कोरियामा रहेका शेर्पा तथा नेपालीहरु एक ठाउँ जम्मा भई समुहिक चाड मनाउन केहि समय परिवर्तन गरिेएको सस्थाको अध्यक्ष थुतुङ गेल्जी शेर्पाले जानकारी दिए ।
विभिन्न शेर्पा सेब्रु नृत्य सहितको प्रस्तुती रहेको कार्यक्रममा गायक पेमा शेर्पा र डिजे एपी तेञ्जिङ्ग शेर्पाको प्रस्तुति रहेको थियो ।
